Plantun de Prouvènço

Pèr coumpara dos planto d'encò nostre

Sorbus aria & Ranunculus aconitifolius

Aliguié

Sorbus aria

Rosaceae

Àutri noum : Aligié, Aliguié rouge, Alouchié, Ariguié, Aubaliguié.

Noms en français : Alisier blanc, Alouchier.

Descripcioun :
L'aliguié o aligié es un pichot aubre coumun de colo e mountagno. Li fueio soun entiero, dentado e proun blanco dessouto. Li bourroun pegon pas jamai. Li fru rouge deforo e jauno dedins soun manjadis.

Usanço :
"Leis aligié fan de pigno de fruit jaune aqui, quand soun madur [...], leis auceloun òu manjon bèn acò ; es un aubre que pouò veni gros." (D. Camatte, Senès in J.-L. Domenge, EbV, op.cit.). Li fru (alijos), soun astringènt, devènon manjadis un cop a jala. A passa tèms, di tèms de carestié, lis alijo secado e mòuto, mesclado à la farino d'òrdi, servien à faire de pan.

Port : Aubre
Taio : 2 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Sorbus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 10 à 16 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai

Liò : Fourèst claro - Faio - Blachiero - Roucaio
Estànci : Mesoumediterran à Subaupen
Couroulougi : Mediterranenco-Atlantico
Ref. sc. : Sorbus aria (L.) Crantz, 1763

Ranouncle(-di-fueio-d'acounit)

Ranunculus aconitifolius

Ranunculaceae

Nom en français : Renoncule à feuilles d'aconit.

Descripcioun :
Aquéu ranouncle trachis en mountagno sus sòu séusous. Se recounèis à si flour blanco e si fueio di proun divisado que dounon d'èr à li de l'acounit vo encaro estranglo-loup. Proche dóu ranouncle-di-fueio-de-platano se n'en destrìo majamen dóu poun de vist ecoulougi : Ranunculus aconitifolius trachis en ribo d'aigo e dins li prado à rousèu (magafourbié) alor que Ranunculus platanifolius vèn bèn dins li bos fre e li prado umido. Coumpara emé lou ranouncle-di-fueio-de-platano que ié sèmblo proun.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Grando erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : 200 à 2400 m
Aparado : Noun
Mai à juliet

Liò : Ribiero - Prado à rousèu
Estànci : Mountagnard à Subaupen
Couroulougi : Ouroufito-Éuroupenco
Ref. sc. : Ranunculus aconitifolius L., 1753 (= Ranunculus aconitifolius subsp. aconitifolius L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sorbus aria & Ranunculus aconitifolius

ges

Coumpara Aliguié emé uno autro planto

Coumpara Ranouncle(-di-fueio-d'acounit) emé uno autro planto